Jamiyatning predmeti va maqsadi

«Xalqaro Hamkorlik Markazi» AJ O‘zbekiston Respublikasida xorijiy kompaniyalar, firmalar, banklar, xalqaro tashkilotlar va boshqa xorijiy hamda mahalliy tuzilmalarning samarali faoliyat yuritishi uchun zamonaviy, qulay va xalqaro talablarga javob beradigan infratuzilmani shakllantirish hamda kompleks xizmatlar ko‘rsatishga ixtisoslashgan tashkilot hisoblanadi.

Jamiyat O‘zbekiston Respublikasi Vazirlar Mahkamasining 2000-yil 20-apreldagi 156-sonli qarori hamda O‘zbekiston Respublikasi Davlat raqobat qo‘mitasining 2000-yil 19-iyundagi 36-p-sonli buyrug‘i asosida tashkil etilgan.

Faoliyatining asosiy yo‘nalishi — xorijiy va xalqaro tashkilotlar uchun munosib ishbilarmonlik muhitini yaratish, zarur tashkiliy, ma’muriy va infratuzilmaviy shart-sharoitlarni ta’minlash hamda zamonaviy biznes xizmatlarini kompleks ravishda taqdim etish.

Asosiy maqsad va vazifalar

• Xorijiy kompaniyalar vakolatxonalari, firmalar, qo‘shma korxonalar, banklar, xalqaro tashkilotlar hamda jismoniy shaxslarni joylashtirish uchun ofislar, xonalar, binolar, inshootlar va zarur uskunalarni ijaraga taqdim etish.

• Ishlab chiqarish, tijorat, nashriyot va boshqa yo‘nalishlardagi faoliyatni tashkil etish va rivojlantirish uchun zarur shart-sharoitlarni yaratish.

• O‘zbekiston va xorijiy davlatlarning korxona hamda tashkilotlariga vakolat doirasida axborot, maslahat va tashkiliy xizmatlar ko‘rsatish.

• Restoran, qahvaxona, kafeteriy, bar, bufet va boshqa umumiy ovqatlanish obyektlari faoliyatini tashkil etish.

• Sport-sog‘lomlashtirish majmualari faoliyati uchun tegishli infratuzilmani taqdim etish.

• Korxonalar, tashkilotlar, xorijiy kompaniyalar va jismoniy shaxslarga transport xizmatlari ko‘rsatish hamda transport vositalarini ijara va lizing asosida taqdim etish.

• Tashrif qog‘ozlari, bukletlar, plakatlar, jurnallar, kalendarlar, davriy nashrlar, o‘quv qo‘llanmalari va suvenir mahsulotlarini loyihalash va tayyorlashni o‘z ichiga olgan matbaa-poligrafiya xizmatlarini amalga oshirish.

Kompleks xizmatlar tizimi

• Ofis va xonalarni ijaraga berish

• Konferensiya, muzokara va bayonnoma-servis tadbirlarini tashkil etish

• Kafe va qahvaxona xizmatlari

• Kechayu-kunduz qo‘riqlash va videokuzatuv

• Klining va hududlarni obodonlashtirish-tozalash xizmatlari

• Avtotransport va yuk tashish xizmatlari

• Tibbiy xizmatlar

• Ekspress pochta xizmatlari

• Axborot va maslahat xizmatlari

Ko‘chmas-mulk va infratuzilma salohiyati

Xalqaro Hamkorlik Markazi (IBC) — Jamiyatning asosiy biznes infratuzilmasini tashkil etuvchi yirik majmua bo‘lib, unda ofis xonalari, restoran, qahvaxona, tibbiyot markazi, stomatologiya va laboratoriya majmualari, konferensiya va muzokara zallari, trenajyorlar zali, BTS ekspress-pochtasi, yer osti garaji, avtoturargoh hamda boshqa ma’muriy va texnik xonalar mavjud.

Xalqaro savdo markazi (ITC) — ofislarni joylashtirish, konferensiyalar, uchrashuvlar, muzokaralar va turli bayonnoma tadbirlarini o‘tkazish uchun foydalaniladigan zamonaviy biznes maydoni.