E-auksion platforma haqida

E-auksion — davlat va boshqa mol-mulk, ko‘chmas mulk, yer uchastkalari, ijara huquqlari hamda boshqa obyektlarni elektron savdolar orqali realizatsiya qilishga xizmat qiluvchi platforma.

Ijarachi uchun ketma-ketlik

1. E-auksion.uz saytiga kirish va ro‘yxatdan o‘tish.

2. Shaxsiy kabinetni faollashtirish.

3. Zarur hollarda shaxsiy hisobni to‘ldirish va zakalat talablarini bajarish.

4. Kerakli lotni lot raqami, obyekt turi, hudud, manzil yoki savdo sanasi bo‘yicha topish.

5. Lotning manzili, maydoni, ijara muddati, boshlang‘ich narxi, zakalat, auksion qadami, foydalanish maqsadi, kommunal va ekspluatatsiya xarajatlari, ta’mirlash hamda boshqa maxsus shartlarni to‘liq o‘rganish.

6. Imkoniyat mavjud bo‘lsa, obyektni auksiondan oldin ko‘zdan kechirish.

7. “Ariza berish” orqali belgilangan muddatda ariza yuborish va zarur hollarda ERI bilan tasdiqlash.

8. Shaxsiy kabinetdan ariza holatini tekshirish.

9. Belgilangan sana-vaqtda auksionga kirish va narx takliflarini berish.

10. Auksion natijasini va g‘oliblik bayonnomasini tekshirish.

11. Belgilangan to‘lovlarni amalga oshirish.

12. Ijara shartnomasini rasmiylashtirish, obyektni qabul qilish va shartnoma shartlariga muvofiq foydalanishni boshlash.

Auksion bo‘yicha muhim eslatmalar

·         Zakalat miqdori barcha lotlarda bir xil emas; aynan lot sahifasidagi ma’lumot ustuvor.

·         Arizani oxirgi daqiqaga qoldirmaslik tavsiya etiladi.

·         Auksiondagi narx taklifini tasdiqlashdan oldin miqdorni tekshirish kerak.

·         Ishtirokchining interneti yoki qurilmasidagi nosozlik har doim ham platformadagi texnik uzilish hisoblanmaydi.

·         G‘oliblikdan keyin to‘lov, bayonnoma, shartnoma va obyektni qabul qilish bosqichlari mavjud.

·         Ijara obyektidan bayonnoma va shartnomada belgilangan faoliyat turi doirasida foydalanish kerak.