Litsenziya va sertifikatlar

Jamiyat xizmatlari sifat menejmenti tizimi ISO 9001 xalqaro standarti talablariga muvofiqlik yo‘nalishida rivojlantirilgan. ISO 9001:2015 bo‘yicha muvofiqlik TÜV Thüringen e.V. (Germaniya) tomonidan o‘tkazilgan auditlar orqali tasdiqlangan. Jamiyat, shuningdek, International Congress & Convention Association (ICCA) — Xalqaro Kongresslar va Konferensiyalar Uyushmasining a’zosi hisoblanadi.

Mazkur xalqaro standart va e’tiroflar xizmatlar sifati, boshqaruv samaradorligi, mijozlar manfaatlari, xalqaro tajriba va zamonaviy biznes talablariga muvofiqlik tamoyillarining ustuvorligini namoyon etadi.

Barqaror rivojlanish va uzoq muddatli hamkorlik

Jamiyat mavjud infratuzilmasi, xizmatlar ko‘lami va professional yondashuvi orqali O‘zbekistonda xalqaro hamkorlikni rivojlantirish, xorijiy kompaniya va tashkilotlarning faoliyati uchun munosib shart-sharoitlar yaratish hamda zamonaviy ishbilarmonlik muhitini shakllantirishga hissa qo‘shadi. Faoliyat ishonchlilik, professionallik, xizmat sifati, manfaatlarning o‘zaro uyg‘unligi va uzoq muddatli hamkorlik tamoyillariga tayanadi.